Sutelaktie uut aende

Direkteur Abel Darwinkel van de Schrieversronte dee de sutelaktie los mit et blaozen op de toeter. Lenus van der Broek


Berkoop - Vleden jaor kon d’r in verbaand mit corona niet suteld wodden, mar maendag bin de vri’jwilligers van de Stellingwarver Schrieversronte (SSR) veur et eerst in twie jaor weer mit de krooien op pad gaon.

Maendag wodde d’r deur tien enthousiaste vri’jwilligers mit zes krooien suteld in Hooltpae en Ni’jhooltpae. Op woensdag goan de sutelers mit vuuf krooien naor Der Izzerd, Hooltwoolde, Ni’jhooltwoolde en Wolvege. De opbrengsten weren op de eerste dag prima. Veul vraoge was der naor et ni’je boek van Johan Veenstra, de spreukekelender en de fiets- en wandelroutes, mar ok van de meerste ere boeken wodde altied wel iene verkocht.

De fietsroutes binnen in de anbieding, 3 routes veur tien euro. Op maendag 13 september wodt d’r suteld in De Blesse, Blesdieke en omgeving. Op woensdag 15, maendag 20 en woensdag 22 september komt de sutelaktie naor Oost-Stellingwarf, onder eren naor Donkerbroek en Appelsche.