Aovend mit ni’je films Van der Veen

Berkoop - Andries van der Veen uut Wolvege zal op deensdagaovend 21 feberwaori twieje van zien ni’jste netuurfilms vertonen in et gebouw van de Stellingwarver Schrieversronte.

Bi’j beide films zal Van der Veen een toelochting holen. De iene film gaot over de verschillende slangen die in oonze regio veurkommen, de ere over de amfibienen hier bi’jomme.

Van der Veen zorgde veur ommeraek mooi en ansprekend beeldmateriaol, zoas we dat vanzels van him wend binnen… Beide films bin mit naeme ontwikkeld veur et vak Hiemkunde op ’e Stellingwarver basisschoelen. Daoromme zorgde Jelle Hofstra van De Gediek veur een infermetieve en dudelike tekst, die inlezen is deur Titia Bijwaard uut Ni’jtriene. Veur et geluud van beide films zorgde Albert Westerhuis (Ni’jtriene).

De aovend begint om 20.00 ure, intree 5 euro inkl. koffie of thee.